Алматы. 25 сәуір. 7kun.kz — Жиырма бесінші сәуірге арналған металл және мұнай бағамдарының бағасы анықталды.

Мұнай: АҚШ Энергетика министрлігінің деректері бойынша өткен аптада елдегі мұнай қорларының айтарлықтай өсуіне байланысты эталондық маркадағы шикізат арзандайды, деп хабарлайды investing.com. 23: 42 жағдай бойынша Brent маркалы солтүстік теңіз мұнай қоспасына маусым фьючерстерінің құны 0,09%-ға, барреліне 74,45 долларға дейін төмендеді. Ал WTI фьючерстерінің бағасы 0,71%-ға, барреліне 65,83 долларға дейін төмендеді.

Металдар: Алтын бағасының АҚШ пен Иран арасындағы шиеленістің күшеюі аясында өсуі байқалды. Өткен аптада Қытайдан келген жақсы есептерге және Германиядағы инвесторлардың көңіл-күйлерінің күрт өсуіне байланысты қымбат металдардың құны 1%-ға төмендеді, бұл тәуекел активтеріне сұраныстың артуына алып келді. 21:45-те Нью-Йорктегі Comex биржасында сәуір айындағы алтын фьючерсінің бағасы 0,44% қымбаттап, бір троялық унциясы 1 278,85 долларға сатылды. Күміс фьючерстің құны  0,93%-ға өсіп, бір троялық унциясы 14,9 долларға сатылды.

Криптовалюталар: Coinmarketcap.com порталының  мәліметтері бойынша 23:32-де bitcoin 5 473,50 долларға сатылды. Соңғы 24 сағатта бірінші криптовалюта 2,42%–ға арзандап, ал оның капитализациясы 96,6 млрд долларды құрады. Осы уақытта Ethereum 6,19%–ға қымбаттап, 163,61 долларға сатылды. Бұл криптондық валютаның капитализациясы 17,3 млрд долларды құрады.  Нарықтың жаһандық капитализациясы – 176,2 млрд доллар.