Ресей. 27 маусым. 7kun.kz – «Ласковый Май» тобының бұрынғы солисі Юрий Шатуновтың кенет қайтыс болуына қатысты қылмыстық іс қозғалды, деп хабарлайды 7kun.kz.

«Комсомольская правда» жазуынша, жедел-жәрдем әншіге дер кезінде көмек көрсетпеген. Алайда қылмыстық іс қандай бап бойынша қозғалғаны белгісіз.

«Юраның жағдайы дастархан басында отырғанда нашарлап кетті. Кенеттен кеудесін ұстап, тыныс алуы қиындады. Біз жедел жәрдем шақырған едік, бірақ диспетчер науқасты «өздерің алып келіңдер, әйтпесе, көп күтіп қаласыңдар» деп жауап берді. Жақын маңдағы жедел жәрдем бөліміне апарған едік, ол жақтағылар науқастың жағдайы ауыр деп ауруханаға жіберді. Оны еш жабдығы жоқ, ескірген Газель автокөлігімен алып кетті.

Юра ауруханаға жетпей көз жұмды. Ауруханада дәрігерлер оған көмектеспек болды, алайда қолдарынан ешнәрсе келмеді. Себебі ол кезде Юра қайтыс болған еді. Меніңше, ауруханаға жеткізгенше кеш болып кетті, қазір дәрігерлердің үстінен қылмыстық іс қозғалды», – дейді марқұмның көмекшісі.