Алматы. 24 сәуір. 7kun.kz — Қазақстан қор биржасында шетел валюталарына қатысты күндізгі сауда сессиясы аяқталды. Нәтижесінде 24 сәуірде доллардың орташа бағамы 311,68 теңгені құрады. Бұл  туралы биржаның (KASE) ресми сайты хабарлады.

KASE ақпаратына сәйкес, АҚШ долларына қатысты сауданың төменгі курсы 311,49 теңгені құрады. Жоғарғы курс – 312,10 теңге, сауданың аяқталуы кезінде 311,80 теңге болды. Күндізгі сессияда сауда көлемі 105 млн 700 доллар болды. Валюта операциясына байланысты келісім саны — 200.

Ақша айырбастау орындарында 24 сәуірдегі доллардың жоғары курсы (Алматы уақытымен – 16:40) Алматыда 313.8 теңгені құраған.