2015 жылдың 17-қыркүйегінде Қазақстан қор биржасының (KASE) кешкі сессиясында доллардың орташа бағамы 270,86 теңге болды. Бұл туралы қор биржасына сілтеме жасап, kapital.kz хабарлайды.

KASE ақпараты бойынша, бейсенбі күнгі кешкі сессияда доллардың минималды курс 270,20 теңгені, максималды курс 271,50 теңгені, ал жабу курсы 270,20 теңгені көрсетті. Сауданың жалпы көлемі 22 млн 200 мың долларды құрады. Валюталармен сауда-саттық саны -21. Естеріңізге сала кетсек, осы жылдың 20 тамызынан бастап Қазақстан теңгені еркін айналымға жіберген еді. Енді теңге бағамы  нарықтық сұраныс пен ішкі және сыртқы макроэкономикалық факторларды ескере отырылып ұсынылады.