Алматы. 28 ақпан. 7kun.kz –  «Азаматтық бастамаларды қолдау орталығы» КЕАҚ Үкіметтік емес ұйымдар (ҮЕҰ) үшін мемлекеттік гранттарға қайта конкурс жарияланғандығын хабарлайды.

2018 жылдың 29 желтоқсан күні жарияланған алғашқы байқауға 100 тақырып бойынша 253 ұйымнан 430 өтініш келген. Конкурс қорытындысы бойынша 46 тақырып өтпеді. Осыған байланысты Орталық 2019 жылдың өтпей қалған тақырыптары бойынша қайта конкурс жариялайды.

2019 жылы әлеуметтік саланы қолдау және әлеуметтік жобаларды жүзеге асыру үшін мемлекеттен ҮЕҰ-ға 3 миллиардқа жуық теңге бөлінеді.

Сонымен қатар, жастар жылы аясында 24 жобаны іске асыруға бағытталған 2,3 млрд теңгеге қосымша конкурс жарияланды.

Айта кетейік, өтініштер 2019 жылдың 28 наурызына дейін қабылданады.