Қазақстанда 1 млн 440 мың кәсіпкер әйел бар. Бұл туралы «Атамекен» ҰКП іскер әйелдер одағының төрағасы Ләззат Рамазанова ОКҚ брифингінде мәлімдеді, деп хабарлады strategy2050.kz сайты. «Егер Қазақстан халқы бүгінгі статистика бойынша 17 млн 500 мың адамды құраса, оның 52 пайызы әйелдер. Қазақстанда еңбекке қабілетті әйелдер саны 4 млн», - деді ол. Оның айтуынша, бүгінде Қазақстанда бизнес саласында 1 млн 440 мың  әйел бар. «Біздің аудиториямыз өте кең, оған қолдау көрсету қажет, шағын химиялық тазалау, жуу орындарын ашуда көмек көрсету қажет. МЖӘ аясында мектепке дейінгі бағдарлама бойынша жобалар жүзеге асырылады», - деді ол. Сондай-ақ, Л.Рамазанова айтып өткендей, Алматыда жетекші әйелдердің басым бөлігі орналасқан. «Егер біз өңірлерді бөлшектеп алатын болсақ, бүгінгі таңда бірінші орында Алматы қаласы, 103 мың кәсіпкер әйелмен көш бастап отыр, ОҚО-93 мың кәсіпкер әйелді шоғарыландырған», - деді ол.