Алматы. 19 желтоқсан. 7kun.kz – БҰҰ Бас хатшысы Антониу Гутерриш Халықаралық сыбайлас жемқорлыққа қарсы күрес күніне орай Жолдауында әлемдегі параның жылдық көлемі көлемі $1 трлн құрайтынын мәлімдеді. Сыбайлас жемқорлыққа байланысты әлемдік экономика жыл сайын $2,6 трлн жоғалтады, бұл жаһандық ЖІӨ-нің 5%-дан астамын құрайды, - деп хабарлайды БҰҰ жаңалықтар сайты.

«Сыбайлас жемқорлық барлық елдерде бар. Бұл Біріккен Ұлттар Ұйымының құндылықтары мен идеалдарына қол сұғу. Сыбайлас жемқорлық мектепті, ауруханаларды адамдардан айырады, инвесторларды ынталандырады және табиғи ресурстардың сарқылуына әкеледі. Бұл заңның үстемдігін бұзады және басқа қылмыстарды жасауға көмектеседі», - деді Гутерриш.

Ол салық төлеуден жалтару, ақшаны жылыстату және басқа да қаржылық махинациялар тұрақты даму мақсаттарына қол жеткізу бойынша күш-жігерге нұқсан келтіретінін атап өтті.

«Дүниежүзілік экономикалық форумның мәліметтері бойынша, сыбайлас жемқорлыққа байланысты жыл сайынғы шығындар $2,6 трлн немесе әлемдік жалпы ішкі өнімнің 5%-ын құрайды», - деп атап өтті БҰҰ басшысы.

Ұйымның Бас хатшысы парақорлықтың, алдау мен алаяқтықтың алдын алу үшін барлық мүмкіндіктерді жасауға, сыбайлас жемқорлыққа қарсы күресте бірігуге және ұрланған активтерді қайтаруға шақырды.