Алматы. 5 маусым. 7kun.kz – Әлемнің жетекші автоөндірушілері 2018 жылы электромобильдерді өндіру бойынша қуаттарды кеңейтуге инвестицияны екі есе арттырды. Бұл ретте ішкі жану қозғалтқыштары бар автомобильдерді шығаруға күрделі салымдар қысқарды, Ernst & Young (EY) халықаралық консалтингтік компаниясының зерттеуі куәландырады.

Нәтижелер Германия, Жапония, Франция, АҚШ және Оңтүстік Кореядан 16 автоөндірушінің жария мәліметтеріне негізделген. Бұл ретте қытайлық автоөндірушілер зерттеуге қажетті статистиканың қолжетімділігі болмауына байланысты енгізілмеген.

Өткен жылы әлемде дәстүрлі автомобиль жасау саласында жалпы сомасы 22,4 млрд еуро болатын 118 инвестициялық жоба жарияланды - 2017 жылғы көрсеткіштен 16%-ға төмен. Сонымен қатар, электромобильдерді өндіру бойынша жаңа қуаттарды құруға және қолда бар қуаттарды кеңейтуге салымдар 97%-ға өсіп, 26 жоба аясында 8,4 млрд еуроға жетті. Аталған көрсеткіштер ҒЗТКЖ-ға арналған шығыстарды қамтымайды.

2015 жылы электромобильдер саласында тек екі жоба жарияланған, 2016 жылы - үш жоба, ал инвестициялардың көлемі әр кезеңде 1 млрд еуроны құрады, деп атап өтті EY.

Неміс автоөндірушілер 2015-2018 жылдары электромобильдерді өндіруді кеңейтуде ең көп қаражат салған - 29 жобаға 11,065 млрд еуро. Бұдан әрі француз (1,275 млрд еуро), жапон (862 млн еуро), корей (848 млн еуро) және америкалық (632 млн еуро) компаниялар.

Алайда, инвестицияның негізгі алушысы Қытай болды, оның билігі жаңа энергия көздерінде (NEV) автомобильдерді енгізуді белсенді ынталандырады, деп атап өтті The Gal Post басылымы. Неміс ақшасының едәуір бөлігі осы елге бағытталды: өткен жылдың ең ірі бес жобасының қатарына ҚХР-дағы BMW және Daimler зауыттарының құрылысы енді, олар электромобильдерді де, дәстүрлі машиналарды де шығарады.

2015-2018 жылдары Қытайда жетекші әлемдік автоөндірушілердің инвестициялары 6,13 млрд еуроны құрады. Сонымен қатар, ГФР электромобильдерді шығаруды ұлғайту бойынша жобалар аясында 4,37 млрд еуро, Франция - 1,61 млрд еуро, АҚШ - 1,111 млрд еуро, Үндістан - 848 млн еуро алды. Италияда, Словакияда, Таиландта, Польшада, Жапонияда, Швецияда, Бельгияда және Ұлыбританияда осындай мақсаттарға кішігірім сомалар бөлінді.

Зерттеу авторлары соңғы жылдары электромобиль саласында 8 жоба тіркелген АҚШ-та осы саладағы белсенділіктің әлсіз екенін атап өтті. Алайда 2019 жылы жағдай өзгере бастады. Атап айтқанда, Ford Motor Co. наурыз айында Мичиган штатындағы зауытта электромобильдер мен өзін-өзі басқаратын автомобильдерді өндіруге 900 млн доллар жұмсауды жоспарлап отыр.

EY басқа жобаларға салымдар төмендеген кезде электромобильдерге инвестициялардың артуы таяу жылдардағы әлемдік автоөнеркәсіптің негізгі беталысына айналатынын көрсетеді.

"Көптеген өндірушілер қазір барлығын бір картаға қояды. Олар миллиардтаған долларды электробильдерді дамытуға және шығаруды кеңейтуге бағыттайды және басқа бағыттарда ақшаны қатты үнемдейді", - деп атап өтті EҮ Германиядағы бөлімшесінде автомобильдер мен көлік бөлімін басқаратын Константин Галь - зерттеудің бірлескен авторы.

Оның айтуынша, нәтижесінде "олар қуаттау үшін жеткілікті дамымаған инфрақұрылым, өте жоғары бөлшек баға және төмен маржа сияқты сақталып отырған проблемаларға қарамастан, электробильдерді сатудың жылдам және күшті өсуіне баса назар аударады".

Қысқа және орта мерзімді перспективада электробильдердің ауқымды өндірісіне көшу автокомпанияларға үлкен сомаға шағады, олардың рентабельділігін төмендетеді, дейді EY автомобиль нарығы жөніндегі сарапшы және зерттеу авторы Петер Фус. Осыған байланысты, ол Еуропада және АҚШ-та компаниялар қолда бар қуаттарда электрқозғалтқыштары бар, сондай-ақ ішкі жану қозғалтқыштары бар машиналар шығаруды жолға қоюға тырысатын болады деп есептейді. Сондай-ақ, сарапшының пікірінше тек қана электромобильдерді өндіретін кәсіпорындар негізінен Қытайда салынатын болады.