16 қыркүйек күні теңге бағамы еркін айналымға өткеннен бері құнсыздану бойынша жаңа рекорд орнатып, 300 теңгеге дейін құлдырады. Кешке Ұлттық банк валюта нарығындағы тұрақтылықты сақтау үшін 144 млн доллар көлемінде валюталық интервенция жүргізгендігін мәлімдеді. Бірақ бір күндік доллар бағамының көтерілуі көпшілікті дүрбелеңге салып үлгерді. Бұл әсіресе әлеуметтік желіде көп байқалды. Қолданушылардың кейбірі биліктің саясатын, Үкіметті, Ұлттық банкті кінәласа, кейбірі жағдайға күлкімен қарады. Бір күндік "дүрбелеңге" қатысты әлеуметтік желі қолданушыларының пікірлерін назарларыңызға ұсынамыз.