Алматы. 29 тамыз. 7kun.kz - Ұлттық банк төрағасы Данияр Ақышев 2018-2022 жылдары курстық саясат туралы сөз қозғап, теңге бағамына әсер ететін факторларды атап өтті.

«Қазақстандық экспорт позициясында әлемдік бағалардың тұрақты болу жағдайында 2017 жылдың алғашқы жартыжылдығындағы төлем балансы көрсеткіштерінің жақсаруы курстық саясатқа төнетін тәуекелдерді төмендетеді», - дейді Данияр Ақышев.

Ұлттық банк басшысы теңге бағамының динамикасы фундаментальды факторларға сәйкес болатынын хабарлады. Атап айтқанда, төлем балансының ахуалы, әлемдік мұнай бағасы мен сауда серіктестері саналатын елдердің ахуалы туындайтын мәселелерден қорғап, экономиканың бәсекеге қабілетті болуын қамтамасыз етеді.