Алматы. 7 маусым. 7kun.kz  - Әлеуметтік желілерде, сондай-ақ WhatsApp және басқа да мессенджерлер арқылы тарату арқылы депозиттердің кетуі, банктердің ақша беруден бас тартуы, банк бөлімшелерінде валютаның жеткіліксіздігі туралы жалған және арандатушылық ақпарат тарады. Бұл туралы Ұлттық банктің баспасөз қызметі хабарлады.

"Барлық банктердің қажетті валюта қоры бар, Ұлттық Банктің аумақтық филиалдары жоспарлы режимде банктерді қолма-қол ұлттық және шетел валютасымен қамтамасыз етеді. Депозиттік база тұрақты, банк клиенттеріне қызмет толық көлемде көрсетіледі", - делінген хабарламада.

Ұлттық банк барлық фактілер бойынша құқық қорғау органдарына жалған ақпарат таратушыларды анықтау мақсатында өтініш білдірді.