Алматы. 10 сәуір. 7kun.kz – ҚР Үкіметінің қаулысымен Жаслан Хасенұлы Мәдиев Қазақстан Республикасының ұлттық экономика вице-министрі қызметіне тағайындалды. Бұл туралы ҚР Премьер-Министрінің баспасөз қызметі хабарлайды.

Бұған дейін бұл қызметті Серік Жұманғарин атқарған.

Жаслан Мәдиев 1983 жылы дүниеге келген. Әл-Фараби атындағы Қазақ ұлттық университетін, Нью-Йоркте Халықаралық қатынастар және мемлекеттік басқару мектебін, Массачусетс технологиялық институтын, Слоун бизнес мектебін тәмамдаған. «Альянс Банк» АҚ, ҚР Ұлттық банкінде, «Қазақстанның даму банкі» АҚ-да, «Самұрық-Қазына» ҰӘҚ» АҚ, «Қазына» тұрақты даму қоры» АҚ түрлі лауазымдарды атқарған. Әр жылдары «Ұлттық инвестициялық корпорация» АҚ-да, ҚР Премьер-Министрінің кеңесшісі болып жұмыс істеген. 2017 жылдан бастап «Қазақстан темір жолы» ҰК» АҚ қаржы жөніндегі вице-президенті қызметін атқарған.