Алматы. 25 желтоқсан. 7kun.kz - Асылжан Мамытбеков Астана банкінің директорлар кеңесінен кетті. Экс-ауылшаруашылығы министрінің өкілеті мерзімінен бұрын, өз өтінішімен 20 желтоқсанда тоқтаған.

Айта кетейік Мамытбеков 2016 жылдың 4 мамырында Жер кодексіне қатысты қарсылықтан кейін Президент сөгіс берген еді. Бұдан кейін ол 5 мамырда өз өтінішімен отставкаға кетті. Жаздың ортасында Астана банктің директорлар кеңесіне 2016 жылдың ортасында мүше болғаны туралы ақпарат тарады. Жақында ол басқарған министрлікте өзгеріс болып, Өмірзақ Шүкеев Ауылшаруашылығы министрі болып тағайындалды. Апта өтпей жатып, Мамытбековтың бизнестен бас тартуы оның мемлекеттік қызметке оралуы мүмкін екендігін меңзейтін сияқты.