Алматы. 10 шілде. 7kun.kz – 2019 жылдың соңында Маңғыстау облысында 3 млрд теңгенің құс шаруашылығы кешені іске қосылады.

Түпқараған ауданы әкімдігінің хабарлауынша, нысанның құрылысы 2016 жылы басталды.

«Қазіргі таңда кешеннің жартысынан көбі салынып, 2019 жылдың соңында пайдалануға беріледі. Жобаның құны 3 млрд теңгеге бағаланып отыр», - деп қосты ведомствода.

Құс фабрикасының қуаты жылына 5 мың тонна тауарды құрайды. Дайын өнімнің ішкі нарықта сатылуы жоспарлануда.