Нұр-Сұлтан. 15 маусым. 7kun.kz – «Аманат» партиясының жетекшісі, Мәжіліс спикері Ерлан Қошанов ҚР тұңғыш президенті Нұрсұлтан Назарбаевтың жақында Мәскеуде Владимир Путинмен кездесуіне қатысты пікір білдірді, деп хабарлайды 7kun.kz.

«Менің ойымша, ол жеке адам ретінде барған. Қажет болса, барлығымыз бара аламыз», – деді Мәжіліс спикері.

Сондай-ақ ол Қазақстанда заң алдында азаматтардың барлығы бірдей, заң бәріне ортақ екенін атап өтті.

«Қазақстанда, әсіресе соңғы кездері заң алдында барлық азаматтар бірдей. Заң бәріне ортақ», – деді Ерлан Қошанов.

Мәжіліс спикері елден заңсыз шығарылған қаражатқа қатысты да пікір білдірді.

«Қаражаттың заңсыз шығарылғанын дәлелдеу керек. Ол қаржы шығарылған елде де дәлелденуі керек», – деді ол.