Алматы. 14 наурыз. 7kun.kz – Бұл туралы ҚР Парламенті Сенатының жалпы отырысында белгілі болды. 

«Сіздердің қарауларыңызға Мемлекет басшысының Жоғарғы Соттың судьясы лауазымына Мейрамбек Таймерденовті сайлау туралы ұсынысы енгізілуде. Ол белгілі және тәжірибелі заңгер, прокуратурада, әділет органдарында, сондай-ақ тікелей сот жүйесінде жұмыс істеді. Судьялық еңбек өтілі 15 жылдан асады», - деді Жоғарғы Сот Кеңесінің төрағасы Талғат Донақов.

Сенаторлар ұсынылған кандидатураны бірауыздан қолдады.

Мейрамбек Тайбергенов 1958 жылы туған, жоғары заңгерлік білімі бар. 2013 жылдың желтоқсан айынан осы уақытқа дейін Алматы облыстық сотының төрағасы болды.