Әлем. 6 шілде. 7kun.kz – Криптовалюта нарығындағы құлдырау майнинг үшін пайдаланылатын микросхемаларға да сұранысты әлсіретті.

Ноутбуктер мен басқа гаджеттерге деген сұраныс жоғары инфляцияға байланысты төмендеп, салдарынан тұтынушылар қашықтан жұмыс істеу және оқыту режиміне көшу аясында өткен екі жылда сатып алынған жаңа техниканы алмастырудан бас тартуда.

Бірқатар салаларда, соның ішінде автомобиль жасау және деректер орталығында сұраныс әлі де күшті, бірақ тұтынушылық сұраныстың жалпы төмендеуі бірқатар салалық алпауыттарды, соның ішінде Intel Corp. (SPB: INTC) және Nvidia Corp. (SPB: NVDA) екі жылғы жоғары сұраныстан кейін нарық турбуленттігін болжайды.

Маусым айында Intel қаржы директоры Дэвид Зинснер ағымдағы жылдың екінші жартысының болжамы тұрақсыз болып кеткенін және компания шығындар мен инвестицияларды жаңа деректерге негіздейтінін айтты. Маусым айында Intel өзінің ДК чипі бөлімшесінде жаңа жұымшыларды жұмысқа қабылдауды уақытша тоқтатты және басқа да шығындарды азайту шараларын қабылдады.

Жад микросхемасының өндірушісі Micron Technologies Inc. ағымдағы жылға тұрақты түсімнің болжамын берді, ал бас атқарушы директор Санжей Мехротра ДК мен смартфондардың сатылымы төмендеген кезде «саладағы сұраныс жағдайы нашарлады» деп ескертті. Компания нарықтағы жаңа жағдайға бейімделу үшін жоспарланған бірқатар шығындардан бас тартқанын хабарлады.

Өндірушілердің, бөлшек саудагерлердің және дистрибьюторлардың айтуынша, нарықтың әлсіздігі соңғы айларда басталды.

Nvidia жұысшыларды жұмысқа алу қарқынын бәсеңдетіп, екі негізгі салада –  ойын және майнингтегі көрсеткіштердің әлсіреуіне дайындалуда. Компанияның микросхемалары жаңа криптовалюта токендерін өндіру арқылы қуатты есептеу тапсырмалары үшін қолданылады, сонымен қатар олар ойыншылар арасында үлкен сұранысқа ие. Қазір компания екі саладағы жағдайдың нашарлағанын атап өтті, Nvidia акциялары 2022 жылдың бірінші жартыжылдығында 48%-ға төмендеді.