Нұрсұлтан Назарбаев Жер кодексіндегі өзгерістерге мораторий жариялады. Бұл туралы Ақорданың баспасөз қызметі хабарлайды.

"Қоғамда осы сұраққа байланысты бірқатар күдік пайда болды. Сондықтан мен бүгін шешім қабылдадым. Жер кодексінің қоғамдық резонанс тудырған бірқатар нормалары, атап айтқанда былтырғы енгізілген төрт норманы күшіне енгізуге мораторий жариялаймын", -деді мемлекет басшысы. Еске салайық, Ақордада күннің өзекті тәртібіне байланысты жиналыс өтіп жатыр. Отырысқа Парламент палатасының төрағалары, премьер-министр, Президент әкімшілігінің басшысы, үкімет өкілдері және мемлекеттік орган басшылары қатысуда.