16 қаңтарда Қазақстан президенті Нұрсұлтан Назарбаев АҚШ-қа ресми сапармен барды. Бұл туралы алдымен АҚШ президенті Дональд Трамп Facebook-тегі парақшасында хабарлады.

АҚШ үкімет басшылары қазақ президентін күтіп алу үшін Ақ үй алдына жиналды.

[caption id="attachment_82118" align="aligncenter" width="2048"] Фото: Akorda.kz[/caption]

Қарсы алу рәсімі аяқталған соң Нұрсұлтан Назарбаев Ақ үйдің Құрметті қонақтар кітабына қолтаңба қалдырды.

[caption id="attachment_82119" align="aligncenter" width="3499"] Фото: Akorda.kz[/caption]

Қазақстан мен АҚШ Президенттері келіссөз жүргізіп, екіжақты қарым-қатынастың және халықаралық күн тәртібінің мейлінше өзекті мәселелерін талқылады.

[caption id="attachment_82120" align="aligncenter" width="2048"] Фото: Akorda.kz[/caption]

"Сіздің осында келгеніңізге қуаныштымын. Барша жұрт Сізге зор құрметпен қарайды. Екі ел арасында мықты қарым-қатынас жолға қойылған. Қазір Қазақстанның жағдайы өте жақсы. Біз үшін Сізді қабылдау – зор мәртебе. Сіз еліңіз үшін шынында да іргелі істер атқардыңыз", – деді Трамп.

[caption id="attachment_82121" align="aligncenter" width="2048"] Фото: Akorda.kz[/caption]

Екі ел басшысының кездесуінен Ақ үйде Назарбаев және Трамптың қатысуымен брифинг басталды.

[caption id="attachment_82123" align="aligncenter" width="2048"] Фото: Akorda.kz[/caption]

- Менің сапарымның нәтижесінде Қазақстан-Америка қатынастарын кеңейтілген стратегиялық әріптестік деңгейіне көтеру жөнінде шешім шығаратынымызға сенімдімін. Осыған орай біз бүгін Астана мен Вашингтон арасындағы өзара қарым-қатынастардың жаңа дәуірін бастайтын тиісті бірлескен саяси мәлімдеме қабылдадық, – деді Қазақстан президенті.

[caption id="attachment_82124" align="aligncenter" width="2048"] Фото: Akorda.kz[/caption]

"Мен Сіздің мықты басшылығыңыздың арқасында Қазақстан халқы қол жеткізген зор жетістіктерді көру мүмкіндігін асыға күтемін. Біз Қазақстанның болашағы жарқын болғанын және оның егеменді елді өркендетуге бағытталғанын қалаймыз. Осыны әлемнің барлық бейбітсүйгіш халықтарына да тілейміз", – деді Дональд Трамп.

[caption id="attachment_82126" align="aligncenter" width="634"] Фото: www.dailymail.co.uk[/caption]

Брифингтен кейін Қазақстан президенті «Шетелдік жеке инвестициялар жөніндегі корпорация» (OPIC) мемлекеттік агенттігінің президенті Рэй Уошбернмен кездесті.

[caption id="attachment_82127" align="aligncenter" width="2048"] Фото: Akorda.kz[/caption]

Р.Уошберн «ЭКСПО-2017» көрмесінен алған әсерімен бөлісіп, алдағы уақытта Қазақстанның «Kazakh Invest» компаниясымен ынтымақтастық туралы меморандумға қол қойылатынын айтты.

[caption id="attachment_82128" align="aligncenter" width="800"] Фото: lenta.inform.kz[/caption]

Мемлекет басшысы АҚШ-тың Энергетика министрі Рик Перримен де кездесуге уақыт тапты.

[caption id="attachment_82129" align="aligncenter" width="2048"] Фото: Akorda.kz[/caption]