Елбасы Нұрсұлтан Назарбаев жұмыс сапарымен Қырғыз Республикасына барды. Бұл туралы Ақорданың баспасөз қызметі хабарлады.

Сапар аясында Мемлекет басшысының Президент А.Атамбаевпен кездесуі, сондай-ақ мемлекеттік шекараның Қазақстан-Қырғыз учаскесінде кедендік бақылауды доғару рәсіміне қатысуы жоспарланған. Қырғызстан ЕАЭО елдерімен шекарадағы кедендік бақылауды алып, тауар, қызмет, капитал және жұмыс үшін еркін айналымға жіберуге мүмкіндік алады. Еске салайық, 2011 жылдың көктемінде Қырғызстан Кедендік одаққа қосылу туралы шешім қабылдады. Республиканың ЕАЭО-ға бірігуі туралы келісімге 2014 жылдың желтоқсанында Мәскеуде қол қойылды. Шілде айында одақтың қатысушы елдері қажетті құжаттарды заңдастырды.