Алматы. 12 желтоқсан. 7kun.kz – Қазақстанның Энергетика министрлігі, "PSA" ЖШС және Солтүстік Каспий жобасының (NCOC) акционерлері 2019 жылдың қазанына дейін Қаламқас-теңіз кен орнын игеру жоспарын беру туралы келісімге қол қойды, деп хабарлады Энергетика министрлігінің баспасөз қызметі.

"Энергетика министрлігі, өкілетті орган ("PSA" ЖШС) және Солтүстік Каспий бойынша өнімді бөлу туралы Келісімге қатысушы компаниялар (СКӨБК, NCOC – ИФ-К) акционерлер ретінде СКӨБК лицензиялық учаскесінде орналасқан Қаламқас-теңіз кен орнын игеру жоспарын беру туралы келісімге қол қойды", - делінген  баспасөз хабарламасында. Айта кетейік, келісім компаниялардың 2019 жылдың төртінші тоқсанына дейін СКӨБК басқарушы комитетінің бекітуіне игеру жоспарын ұсынуды қарастырады.