Алматы. 12 қыркүйек. 7kun.kz – 2018 жылғы қаңтар-тамызда 2017 жылғы қаңтар-тамызбен салыстырғанда шикі мұнай, табиғи газ және металл кендерінің өндірісі ұлғайды, деп хабарлайды ҚР ҰЭМ Статистика комитеті.

Тамақ өнімдері, темекі бұйымдары, мұнай өңдеу өнімдері, химиялық өнеркәсіп өнімдері, резеңке және пластмасса бұйымдары өндірісі, металлургия өнеркәсібі және машина жасау өнімдерінің өндіріс көлемдері өсті.

Сонымен бірге, негізгі фармацевтикалық өнімдерді өндіру төмендеді.

Өнеркәсіптік өнімдердің өндіріс көлемінің өсуі республиканың 13 өңірінде байқалды.