Алматы. 31 қаңтар. 7kun.kz — Қазақстанда "Астана LRT" қылмыстық ісі бойынша тергеу аяқталды. Бұл туралы Сыбайлас жемқорлыққа қарсы іс-қимыл агенттігінің екінші департаментінің басшысы Сергей Перов ведомство алқасының отырысында мәлімдеді.

Оның айтуынша, қазір осы істің материалдарымен танысу басталды.

"Қылмыстық тергеу аяқталды. Жасырынған қылмыскерлерге қатысты іздестіру шаралары жалғасып жатыр. Белгіленген шығын сомасы 5,7 млрд теңгені құрайды", - деді Перов.

Сондай-ақ, ол іске 10 адам тартылатынын атап өтті.

«Интерпол арқылы да, олар жасырынған мемлекеттермен де іздестіру шаралары жүргізіліп жатыр. Тергеу мүдделері үшін олардың қайда екенін айта алмаймын. Бізде әкімдік басқармаларының басшылары, "Астана LRT-нің" және мердігерлік ұйымдардың лауазымды тұлғалары тартылады", – деді Перов.

Бұл ретте ведомство басшысы 10 адамның үшеуі іздеуде екенін еске салды.

Сергей Перовтың айтуынша, қылмыстық іс материалдарымен танысу процесі аяқталғаннан кейін ол сотқа жіберіледі, ол жерде ашық сотта қаралады.

Еске сала кетейік, 2019 жылдың қазан айында Президент Қасым-Жомарт Тоқаев Нұр-Сұлтандағы жеңіл рельсті көлік желісін салуға байланысты қылмыстық іс бойынша тергеуді жандандыруды тапсырды. Сондай-ақ, LRT ісі бойынша елорда әкімінің бұрынғы орынбасарына халықаралық іздеу жарияланғаны хабарланды.