Павлодар. 6 қаңтар. 7kun.kz – Сот Павлодар облысы полиция департаментінің бұрынғы бастығы Нұрлан Мәсімовке қатысты қылмыстық істі қылмыстық іс жүргізу заңнамасын бұзушылықтарды жою үшін прокуратураға қайтарды. Бұл туралы Мәсімовтің адвокаты Дмитрий Куряченко хабарлады.

Адвокаттың айтуынша, іс бойынша қылмыстық-процестік заңнама өрескел бұзылған.

«Айыптау қорытындысынан тағылған айыптың көлемі мен шегін анықтау мүмкін емес. Қылмысты ұйымдастырушы кім, сыбайлас, орындаушы кім екені белгісіз», – деді Дмитрий Куряченко.

Сондай-ақ адвокат қорғауындағы азаматты үйқамаққа ауыстыру туралы өтініш бергенін, бірақ сот оның өтінішін қанағаттандырмағанын айтты.

Еске салайық, 6 қаңтарда Павлодар облысының қылмыстық істер жөніндегі мамандандырылған ауданаралық сотында Нұрлан Мәсімовтің ісі бойынша алдын ала сот отырысы өтті. Ол бұрынғы орынбасары Дамир Сиразидимов мемлекеттік сатып алулар кезінде патронаттық қызмет көрсету және еншілес компаниялармен келісім-шарт жасау кезінде 90,3 миллион теңге көлемінде пара алды және артиллерия сатып алуға арналған бюджеттің 420 миллион теңге қаражатын жымқырды деп айыпталуда.