Алматы. 23 сәуір. 7kun.kz - 2018 жылдың бірінші кварталында оқулықтардың бағасы 7,9 пайызға қымбаттады деп жазады finprom.kz.  Одан бөлек газет бағасы да нарықта 6,6 пайызға өскен. Оқулықтар мен анықматалық кітаптар Қазақстанның ірі қалалары мен мегаполистерде күрт қымбатады. Астанада бір оқулықтың орташа бағамы 1800 теңге (бір жыл бұрын 1693 теңге), Көкшетауда 1752 теңге (бір жыл бұрын 1509 теңге), Ақтөбеде 1604 теңге (бір жыл бұрын 1482 теңге болған). Ал күнделікті газет атыраулықтар үшін қымбаттап кетті. Қазір Атырауда газеттің орташа бағасы 133 теңге болып, бір жыла 9 пайызға қымбаттаған. Семейде 118 теңге (бір жылда бағасы 3,5 пайызға өскен).