«Өзенмұнайгаз» АҚ бас директоры Мақсат Ибағаровтың басқа жұмысқа ауысуына байланысты компанияның бас директоры орнына Дәулетжан Хасанов тағайындалды. Бұл туралы компанияның баспасөз қызметі хабарлайды.

 «Мақсат Оңғарбайұлы үлкен ұжымды қиын кезеңде қабылдап алып, өте нәтижелі еңбек етті, көптеген көрсеткіштердің жақсаруына жетекшілік етті. Барша еңбек ұжымының атынан М.Ибағаровқа атқарған адал қызметі үшін алғысымды айтамын. Дәулетжан Хасанов осыған дейін «Қаражанбасмұнай» АҚ-ы президенті қызметін атқарды. Бұл саланы жетік білетін маман. Ол «Өзенмұнайгаз» АҚ-ының ұзақ мерзімді стратегиялық жоспарын жасақтап, өнімді жұмыс істейді деп есептейміз», - деді «ҚазМұнайГаз» БӨ» АҚ бас директоры Қ.Исқазиев.