Алматы. 14 тамыз. 7kun.kz - Қаржы министрлігінің Мемлекеттік кірістер комитеті (МКК) онлайн-бақылау-кассалық машиналарды орнатудың арқасында қосымша 14 млрд теңге пайда тапты.

Мемлекеттік кірістер комитетінің төрағасы Марат Сұлтанғазиевтің айтуынша, 2020 жылға қарай Қазақстанда онлайн-бақылау-кассалық машиналарға (БКМ) көшу толығымен аяқталады.

"Бүгінгі таңда тіркелген онлайн-БКМ 342 мың бірлік немесе 72% (бизнестің жалпы санынан). Бұл жүйе тәуекелдерді басқарудың ақпараттық жүйесін қолдану есебінен өзін ақтайды деп айтуға болады. Біз 3 млрд кассалық чекті өңдедік, оларды І жартыжылдықтағы салық есептілігімен салыстырдық, осы салыстыру арқылы біз қосымша 14 млрд теңге алдық", – деді ол.

Сонымен қатар, цифрландыру қазақстандық бағдарламашылар мен бағдарламаларды әзірлеушілер үшін маңызды әрекет болды, деп атап өтті МКК өкілі.

"Бүгінгі таңда олар тек мобильді қосымшаларды жүктеп, тегін пайдалануға болатын өнімдерді әзірлеуде. Бұл бізде тіркелген кассалық аппараттар. Яғни БКМ бөлек сатып алудың қажеті жоқ", - деді Сұлтанғазиев.