Астана. 25 қаңтар. 7kun.kz - Қазақстан президенті Нұрсұлтан Назарбаев 25 қаңтар күні арнайы хабарлама жасайды. Бұл туралы Ақорданың Twitter-аккаунтында жазылды.

"Бүгін сағат 21.00-де республика телеарналарының эфирінде президент Нұрсұлтан Назарбаев арнайы хабарлама жасайды", - делінген ресми аккаунттан тараған ақпаратта.

Бұған дейін Нұрсұлтан Назарбаев Қазақстан үкіметінің өкілеттілігін қайта қарастырған жұмыс тобының жиналысына қатысқан еді. Ол мемлекет билігінің өкілетін қайта қарауды республика дамуының келесі заңды қадамы деп санайтынын айтқан.