Алматы. 30 желтоқсан. 7kun.kz – Ресей президенті Владимир Путин Қазақстан президенті Қасым-Жомарт Тоқаев пен экс-президент Нұрсұлтан Назарбаевты келе жатқан жаңа жылмен құттықтады. Бұл туралы Кремль сайтында хабарланды.

«Қазақстан Республикасының президенті Қасым-Жомарт Тоқаевқа құттықтау жеделхатында Ресей мемлекетінің басшысы өткен жылы Ресей-Қазақстан қатынастары стратегиялық әріптестік, одақтастық және тату көршілік қағидаттарының берік негізінде қарқынды дамуын жалғастырғанын атап өтті: екіжақты сауда қарым-қатынасы жақсы көрсеткіштерге жетті, өнеркәсіптік, энергетикалық және басқа да салалардағы ірі бірлескен жобалар сәтті іске асырылды», – делінген хабарламада.

Сонымен қатар Ресей президенті шет мемлекеттердің кейбір бұрынғы басшылары мен үкімет басшыларын келе жатқан жаңа жылмен құттықтады. Соның ішінде Нұрсұлтан Назарбаев та бар.