Алматы. 3 ақпан. 7kun.kz — 2020 жылдың қаңтарында азық-түлік тауарларының бағасы 0,9%, азық-түлік емес тауарлар 0,5%, ақылы қызметтер 0,5% қымбаттады.

Өз кезегінде, өткен айда инфляция 0,7%-ға тең болды.

Инфляцияның ең жоғары деңгейі Түркістан облысында тіркелген. Бір айда баға мен тарифтер 1,4%-ға өсті. Шымкентте бұл көрсеткіш 1%-ға, Ақтөбе облысында – 0,9%-ға, Атырау және Жамбыл облыстарында - 0,8%-ға ұлғайды.

Ал Ақмола, Маңғыстау және Шығыс Қазақстан облыстарының тұрғындары көп шығындалмады, онда қаңтар айында инфляция 0,4% болды.