Алматы. 21 ақпан. 7kun.kz – Қарағандыда қала көшелерін жөндеуге бөлінген екі миллиард теңгеден аса қаражат ұрланды. Бұл туралы Қарағанды ​​облысының прокуратурасының баспасөз қызметі хабарлады.

Атап айтқанда, коммуналдық шаруашылық, жолаушылар тасымалы бөлімінің жауапты қызметкерлері «Қарағанды ​​қаласының көлік және автомобиль жолдары» мекемесі бюджет қаражатының ұрлануына әкеліп соқтырған іс жүзінде орындалмаған жұмыс актілеріне қол қойғаны анықталды.

«Қазақстан Республикасының Қылмыстық кодексiнің 189-бабының 4-бөлігінің 2-тармағы («Сенiп тапсырылған бөтен мүлiктi иемденiп алу немесе талан-таражға салу») бойынша сотқа дейінгі тергеу басталды», – делінген хабарламада.

Қылмыстық іс прокуратураның бақылауында.