Астана. 26 қараша. 7kun.kz – Бүгін елордада кезектен тыс президент сайлауында жеңіске жеткен Қасым-Жомарт Тоқаевтың ұлықтау рәсімі өтті, деп хабарлайды 7kun.kz.

Жаңадан сайланған президент Қазақстан халқына ант берді.

«Қазақстан халқына адал қызмет етуге, Қазақстан Республикасының Конституциясы мен заңдарын мүлтіксіз орындауға, азаматтардың құқықтары мен бостандықтарына кепілдік беруге, Қазақстан Республикасы Президентінің өзіме жүктелген мәртебелі міндетін адал атқаруға салтанатты түрде ант етемін», – деді Қасым-Жомарт Тоқаев ұлықтау рәсімінде.

Еске салайық, 20 қарашада Қазақстанда президентін сайлауы өтіп, Қасым-Жомарт Тоқаев 82 пайыз дауыспен жеңіске жетті.