Астана. 18 қараша. 7kun.kz – «Қазақмыс» кенішінің аумағынан 40 жастағы ер адамның мәйіті табылды, деп хабарлайды 7kun.kz.

Мәйіт табылған «Жомарт» кеніші Жезқазған қаласынан 300 шақырым жерде орналасқан. Бұл жерге тек жұмысшылардың кіруіне рұқсат етілген.Компания мәліметінше, қайтыс болған адам «Қазақмыс» жұмыскері емес.

«Ол Өскемен қаласының мердігер компаниясының жұмыскері. Оқиға шахтаның астында емес, жер бетінде болған жағдай», – деп хабрлады компанияда.

Аталған дерек бойынша Қылмыстық кодексінің 99-бабының 1-бөлігі «Адам өлтіру» бойынша іс тіркелді. Қазіргі уақытта полицейлер күдіктілерді анықтау және ұстау мақсатында жедел-іздестіру шараларын жүргізуде.