Алматы. 19 желтоқсан. 7kun.kz — Қазақстан мен Армения бір ай ішінде қазақстандық мұнайды жеткізу туралы келісімге қол қоюға дайын. Алайда, ол үшін тараптар мемлекетішілік келісімді уақытында өткізуі керек. Бұл туралы энергетика министрінің орынбасары Әсет Мағауов ОКҚ брифингінде айтты.

"Қазір армян тарапы қазақстандық бензинді экспорттау туралы келісімнің мәтіні бойынша Қазақстанның барлық ұсыныстарын қабылдады. Біз олармен келіскеннен кейін, оны мемлекетішілік рәсімдерге жібердік. Келісуші министрліктер арасында бірнеше сәйкессіздіктер бар. Атап айтқанда, қаржы министрлігі мен Қазақстанның сауда және интеграция министрлігі арасында – жекелеген тұжырымдар бойынша әртүрлі көзқарас. Келесі аптада біз осы мемлекеттік органдармен жеке кездесу өткіземіз деп болжаймыз. Ескертулерді алып тастауға тырысамыз », - деді Әсет Мағауов.

Келісім, сондай-ақ, лингвистикалық және ғылыми-құқықтық сараптама рәсімінен өтуі тиіс. Содан кейін армян тарапы жеткізу көлемін айтады.

"Менің ойымша, барлық процедуралардан сәтті өтсек, бір айдың ішінде қол қоюға шыға аламыз. Беларусь пен Қырғызстан елдеріндегі әріптестерден айырмашылығы - Армения көлемін айтқан жоқ. Бірақ бұл жерде жеткізу логистикасының өзі өте күрделі. Көлік дәлізі өте ауыр. Жалпы алғанда, олар біздің ашық түсті мұнай өнімдерінің бір бөлігі олардың нарығында болуы үшін кез келген көлемге дайын",- деді Әсет Мағауов.