Алматы. 12 желтоқсан. 7kun.kz – Тиісті нормалар "Қазақстан Республикасының Үкіметі мен Тәжікстан Республикасының Үкіметі арасындағы Қазақстан Республикасы азаматтарының Тәжікстан Республикасының аумағында және Тәжікстан Республикасы азаматтарының Қазақстан Республикасының аумағында болу тәртібі туралы келісімді ратификациялау туралы" ҚР-ның заңына енгізілген.

Аталған Заң жобасы 12 желтоқсанда Парламент Мәжілісінің пленарлық отырысында қаралады.

Келісім Қазақстан мен Тәжікстан азаматтарының тараптардың аумағында міндетті тіркеусіз болу мерзімін 30 күнге дейін ұзартады. Сондай-ақ, мемлекеттік шекараны кесіп өткеннен кейін  90 күнге дейін болуын қамтамасыз етеді.

Палатаның бейінді комитетінің қорытындысында келісім бір мемлекет азаматтарының басқа мемлекеттің аумағында болуына қолайлы жағдай жасауға ықпал ететіндігін атап өтті.

Еске сала кетейік, келісімге 14 наурызда Астанада екі мемлекет басшылары қол қойған еді. Қазіргі таңда екі елдің азаматтары келу орны бойынша 5 күн ішінде тіркелуі тиіс. Айта кету керек, 2010 жылға дейін Тәжікстан азаматтары Қазақстанда тіркеусіз 30 күнге дейін бола алды, яғни жаңа келісімді іс жүзінде ратификациялау тек қана кво мәртебесін қайтарады.