Алматы. 16 шілде. 7kun.kz – Қазақстанның ЕАЭО елдерімен тауар айналымы 2019 жылдың төрт айында 6,1 млрд долларды құрады. Бұл құрылымда Ресейге барлық сыртқы сауданың 91,8%-ы тиесілі, - делінген Finreview зерттеуінде.

Қазақстан мен ЕАЭО арасындағы тауар айналымы құрылымында импорт басым, оның үлесі 2019 жылдың қаңтар-сәуір айларында 69,6%-ды немесе 4,3 млрд долларды құрады, экспорт 30,4% немесе 1,9 млрд доллар.

Республикаға тікелей шетелдік инвестициялардың жалпы ағыны 2018 жылы 1,6 млрд долларды құрады, бұл жыл ішінде 19,5%-ға артты. Мажоритарлы инвестор – Ресей. Ресей Федерациясынан жалпы ТШИ жалпы ағыны 1,5 млрд долларды құрады, бұл бір жыл бұрынғыдан 22,2%-ға артық.

Ресей инвесторлары үшін қазақстандық экономиканың қызықты және басым салалары мыналар: өңдеу өнеркәсібі — 3,1 млрд теңге, көтерме және бөлшек сауда, автокөліктер мен мотоциклдерді жөндеу — 2,1 млрд теңге, тау-кен өндіру өнеркәсібі және карьерлерді қазу — 2,1 млрд теңге, қаржы және сақтандыру қызметі — 1,4 млрд теңге, көлік және қоймалау — 1 млрд теңге.

2018 жылдың соңына қарай аталған салаларға тартылған инвестициялардың жалпы көлемі 9,8 млрд долларды немесе 88,6%-ды құрады.

Қазір отандық инвесторлар шетелге, соның ішінде ЕАЭО елдеріне тікелей инвестициялардың ағынын қысқартатын үрдіс байқалуда. 2018 жылы қазақстандық инвесторлар Одақ елдерінің экономикасын 442,6 млн долларға қаржыландырды. Инвестициялардың ағындарын азайтудың және елдегі белсенді консолидацияның себептерінің бірі Қазақстанды экономикалық өсудің жаңа моделіне көшу болды. Мұндай модельді енгізу ЖІӨ-нің жылына 4,5-5% өсуін қамтамасыз етуі тиіс.

Айта кету керек, Қазақстанда 20 миллиард долларға жуық сомаға 100-ге жуық бірлескен жобаны жүзеге асыратын және жоспарлайтын 6 мыңнан астам ресейлік-қазақстандық кәсіпорындар бар.