Алматы. 30 сәуір. 7kun.kz – Қазақстанда 2019 жылдың сәуірінде наурыз айымен салыстырғанда ең төменгі күнкөріс деңгейі 1,5%-ға (417 теңге) артып, 27,8 мың теңгені құрады.

Жыл басынан бері бұл көрсеткіш 5,2%-ға өсті.

Азық-түлікке 15,3 мың теңге, азық-түлікке жатпайтын тауарлар мен ақылы қызметтерге 12,5 мың теңге бөлінген.

Ең жоғары күнкөріс деңгейі Маңғыстау облысында (34,3 мың теңге), Нұр-Сұлтанда (32,1 мың теңге) және Алматыда (30,9 мың теңге), ал ең төмен күнкөріс деңгейі Павлодар облысында (24,7 мың теңге) және Жамбыл облысында (25 мың теңге шамасында) тіркелді.