Жыл басынан бері наурызда елімізде ең жоғары инфляция тіркелді. Бұл туралы Ұлттық Банк хабарлады.

Ұлттық банк дерегінше, наурызда инфляция 3,7% деңгейінде, ал жылдық ифнляция 12% деңгейінде болды.

«2022 жылғы наурызда тұтыну бағалары 3,7%-ға өсіп, 1996 жылдан бастап осы ай үшін ең жоғары мәнді көрсетті. Жылдық мәнде баға 12%-ға дейін өсті», – деп хабарлады Ұлттық банк өкілдері.

Наурызда азық-түлік тауарлары бағасы жылдық мәнде 15,4%-ға дейін жеделдеді. Ал азық-түлік емес тауарлардың жылдық инфляциясы 10,9%-ға дейін жеделдеген.

«Теңге бағамының әлсіреуі тауарлардың барлық топтары бойынша бағаның өсуіне әсер етті. Микрочиптердің жетіспеушілігі аясында автомобильдердің құны өсті. Импорттық бағаның өсуіне байланысты киім мен аяқ киім мен дәрі-дәрмек бағасының өсуі жеделдеді», - делінген хабарламада.

Сонымен қатар, ақылы қызметтер бағасының жылдық өсуі 2022 жылғы наурызда 8,3%-ға дейін жылдамдаған.