Алматы. 2 қазан. 7kun.kz - Қазақстанда азық-түлік бағасы бір жылда 9,1%-ға өсті. Нан-тоқаш өнімдері мен жармалар, ет, балық және теңіз өнімдері, сүт өнімдері, жұмыртқа, май және тоң май, көкөністер, кондитерлік өнімдер, алкогольсіз және алкогольді сусындар қымбаттады, ал қант пен жемістер арзандады. Бұл туралы ҚР ҰЭМ Статистика комитеті хабарлайды.

Жарма өнімдері тобында бағаның әртүрлі бағытта өзгеруі байқалды. Күріштің орташа бағасы 2018 жылдың қыркүйек айында 310 теңгеге болған, 2019 жылы бір килограмм үшін 382 теңгені құрады. Ал қарақұмық жармасы 244 теңгедан сатылады - 2018 жылдың ұқсас кезеңінде 251 теңге.

Құмшекердің орташа бағасы биыл бір килограмм үшін 222 теңгені, 2018 жылғы қыркүйекте 231 теңгені құрады.

Ет және ет өнімдерінен сиыр етінің (иық-кеуде) орташа бағасы 2019 жылдың қыркүйегінде бір килограмға 1748 теңгені құрады (2018 жылғы қыркүйекте - 1519 теңге). Сүйектері бар қой еті – 1676 теңге (1435 теңге), сүйектері бар жылқы еті– 1971 теңге (1723 теңге), шошқа еті – 1436 теңге (1290 теңге), жартылай ысталған шұжық – 2117 теңге (1949 теңге), тауық еті – 823 теңге (689 теңге) деңгейінде қалыптасты.

Бұған дейін қыркүйекте қырыққабат пен қияр бағасы тамыз айында шамамен 15% көтерілгені туралы хабарланған. Сарымсақ 7,3%-ға, бұршақ 1,7%-ға қымбаттады. Әзірше пияз (бір айда минус 25,2%), сәбіз (минус 22,8%), қызылша (минус 9%), картоп (минус 8,2%) сияқты маусымдық ауытқуларға ұшырайтын көкөністер арзандайды. Сонымен қатар жаңа піскен қызанақ бағасы 1,4%-ға төмендеді және одан әрі қызанақтың бағасы өседі.