Алматы. 17 қазан. 7kun.kz — Қазақстанда қызметкерлерге медициналық скринингтерден өту үшін әлеуметтік ақылы демалыс беру туралы норманы енгізу жоспарланып жатыр.

«Скринингтен өту үшін әлеуметтік демалысты міндетті түрде беру (кодекс жобасында) белгіленген», - деді Денсаулық сақтау министрі Елжан Біртанов.

«Тиісті норма мен оны бұзғаны үшін жұмыс берушілердің жауапкершілігі қарастырылған. Яғни, оның ішінде, егер мұндай тексерулер өткізілмеген болса, қызметкерлерді өз міндеттерін орындаудан жалтарғаны үшін де. Бұл ақылы әлеуметтік демалыс болады", - деді ол депутаттың сұрағына жауап бере отырып.

Оның айтуынша, Кодекс жобасында азаматтардың, жұмыс берушілер мен мемлекеттің қоғамдық денсаулықты сақтау, инфекциялық емес және инфекциялық аурулардың алдын алу үшін ортақ жауапкершілігі күшейтілді.

Денсаулық сақтау министрлігінің анықтамалық материалдарында скринингтер инфекциялық емес ауруларды - қан айналымы жүйесі, онкопатология, қант диабеті, глауком және т.б. анықтайды.

«Бүгінде адамдар жұмысқа байланысты скринингтік тексеруден өтпейтін жағдай бар», - делінген материалда.

Сондай-ақ, қызметкерлердің скринингтік зерттеулерден өту талаптарын бұзғаны үшін жұмыс берушілердің әкімшілік жауапкершілігі қарастырылған. Алғашқы заң бұзушылық кезінде ескерту жариялау жоспарланған, жыл ішінде - айыппұл: шағын бизнес субъектілері үшін - 20, орташа - 30, ірі - 120 АЕК (айлық есептік көрсеткіш, қазіргі уақытта - 2525 теңге).

Айта кетейік, Кодекс жобасын мәжіліс депутаттары жұмыс топтарында қарайды, құжаттың кейбір ережелеріне өзгерістер енгізілуі мүмкін.