Алматы. 4 шілде. 7kun.kz – Ағымдағы жылдың қаңтар-мамыр айларында Қазақстанда 111,4 мың тонна тұз өндірілді, бұл өткен жылдың сәйкес кезеңімен салыстырғанда 25,3% артық, - деп хабарлайды Energyprom.kz.

Жалпы, еліміздегі тұз өндірісінің 97,5%-ы (5 айда 108,6 мың тонна тұз) Қызылорда облысында шоғырланған, онда «Аралтұз» өндіріс алпауыты жұмыс істейді.

Тұздың 2%-ы Жамбыл облысына («Асыл Тұз» ЖШС) және 1%-дан кемі Түркістан облысына келеді: мұнда 2019 жылдың І тоқсанында Созақ ауданында йодталған тұз өндірісі жолға қойылды. Құны 83 млн теңге болатын жоба 2020 жылдың мамыр айында толық қуаттылыққа шығады. Қазіргі уақытта кәсіпорында азықтық тұз өндіріледі. Зауыт сағатына 1 тонна өнім шығарады деп жоспарлануда. Сонымен қатар, 2019 жылдың қыркүйегінде азықтық тұз және 2020 жылы ас тұзы Ресейге, Өзбекстан мен Қырғызстанға экспортталады деп күтілуде.

Қазақстанда тұз аз импортталады: жергілікті өндіріс 2019 жылдың қаңтар-сәуір айларында сұраныстың 91%-ын қамтамасыз етті. Оның үстіне, ішкі нарықты жауып, қазақстандық компаниялар экспорттық жеткізілімдерді ұлғайтуда: жылына 36,9%, 71,4 мың тоннаға дейін.

Сектордың ірі компаниясы — «Аралтұз» АҚ-ның стратегиялық міндеті — өнімді Қытай және ЕО елдерінің нарықтарына экспорттау болып табылады. Қазіргі уақытта «Аралтұз» АҚ шығаратын өнімнің 75% - дан астамы Ресей Федерациясына, Қырғызстан, Әзербайжан және Украинаға экспортталады. Компанияның мәліметтері бойынша, 2019 жылдың бірінші тоқсанында «Аралтұз» АҚ ресей нарығында ас тұзының үлесін 18% -дан астамға арттырды.

Ағымдағы жылдың шілдесіне қарай тұз бағасы жылына 2,4%-ға артты, Қазақстанда орташа алғанда бір килограмм үшін 52 теңгеге дейін. Ең қымбат тұз Алматы (кг 59 тг), Нұр-сұлтан (кг 58 тг) және Қостанайда (кг 58 тг). Тұз бағасының төмендеуі Өскеменде және Семейде байқалды: жылына -3,6%.