Нұр-Сұлтан. 20 шілде. 7kun.kz – Еңбек және халықты әлеуметтік қорғау министрлігі елдегі орташа зейнетақы мөлшерін хабарлады. 1 шілдедегі жағдай бойынша Қазақстанда зейнетақы төлемдерінің орташа мөлшері 117 469 теңгені құрады, деп хабарлайды 7kun.kz.

Қазақстанда 2 миллион 247 мың зейнеткер бар.

1 шілдедегі жағдай бойынша қазақстандықтарға 1,4 трлн теңгеден астам зейнетақы төленді. 2022 жылғы маусымда республикалық бюджеттен зейнетақы төлемдеріне 261,9 млрд теңге бөлінді, оның 79,4 млрд теңгесі базалық зейнетақыға, 182,6 млрд теңгесі ынтымақты зейнетақыға төленді.