Алматы. 2 мамыр. 7kun.kz — 2019 жылдың бірінші тоқсанында бір қызметкердің орташа айлық атаулы жалақысы 168 489 теңгені құрады, деп хабарлады ҚР Ұлттық экономика министрлігінің Статистика комитетінің сайтында.

Атаулы жалақы индексі 2018 жылдың сәйкес кезеңіне қарағанда 110,5%, нақты жалақы индексі 105,2% құрады.

Ең жоғары номиналды жалақы тау-кен өнеркәсібінде және карьерлерді қазуда жұмыс істейтін қызметкерлерде болды - 401,1 мың теңге. Бұл орташа республикалық деңгейден 2,4 есе артық. Екінші орында 323,0 мың теңге мөлшерінде жалақысы бар қаржы және сақтандыру қызметінің қызметкерлері орналасқан, бұл орташадан 1,9 есе жоғары. Үздік үштікті кәсіби, ғылыми және техникалық қызмет саласында жұмыс істейтін азаматтар қорытындылайды - 296,3 мың теңге (орташа республикалық деңгейден 1,8 есе жоғары). Одан кейінгі орындарда ақпарат және байланыс саласында – 253,0 мың теңге; көлік және қоймалау саласында – 218,2 мың теңге (орташадан 1,3 есе артық).

Бұдан басқа, ауыл, орман және балық шаруашылығында жұмыс істейтін қызметкерлердің атаулы еңбекақысының ең төмен деңгейі – 93,2 мың теңге. Бұл республика бойынша орташа көрсеткіштен 44,7% - ға төмен.

Өңірлерге келетін болсақ, жалақы деңгейі бойынша Атырау облысы көш бастап келеді - 322,7 мың теңге, бұл ел бойынша орташа деңгейден 1,9 есе артық. Ең төмен жалақы Түркістан облысында тіркелген. Жалақының көлемі 109 мың теңгені құрады - Қазақстандағы орташа деңгейден 35,3%-ға төмен.