Бүгін Ташкентте Өзбекстандағы тұңғыш Magnum             гипермаркеті ашылды. 5000 шаршы метрден асатын сауда алаңы Бунёдкор даңғылы, 52 (В блогы) орналасқан. 

Дүкенде өзбек, қазақ және халықаралық өндірушілердің азық-түлік және басқа да 20 мыңнан астам тауар түрлері ұсынылған.   Ассортиментте Бразилия, Италия, Қытай, Колумбия, АҚШ, Түркия, сонымен қатар жергілікті өндірушілердің тауарлары бар. Импорттық өнімдер Өзбекстанға барлық тасымалдау және қауіпсіздік ережелерін сақтай отырып жеткізіледі.  Оның ішінде Қазақстаннан жеткізілетін «Халал» стандартына сай ет те бар. 

«Бұл біз үшін өте маңызды оқиға, біз Өзбекстанда ашылуына екі жылдай дайындалдық, нарықты мұқият зерттедік. Бүгінгі таңда Қазақстан мен Өзбекстан арасындағы экономикалық байланыстар қарқынды дамып келеді, біз бұл үдеріске өз үлесімізді қосуға қуаныштымыз. Өзбекстандағы дамуымыздың бірінші жылында біз 20 миллион долларға жуық инвестиция салдық, қазірдің өзінде 500-ден астам жұмыс орнын құрдық, олардың көпшілігі өзбекстандықтарға арналған, және біз одан әрі дамып, өсуді жоспарлап отырмыз», - деді Magnum Cash & Carry басқарма төрағасы Азамат Османов.

Ташкентте гипермаркет ашылған күні Magnum автобустары жолаушыларды қаланың әртүрлі нүктелерінен гипермаркетке дейін тегін жеткізді. Ал алғашқы сатып алушылар аты аңызға айналған «Ялла» музыкалық тобы мен Фаррух Закиров, «Кук Чой» тобы мен иллюзионист, аниматорлардың өнерін тамашалады. 

Magnum дүкеннің ашылу құрметіне Hyundai Elantra автокөліктері, Ташкенттегі Golden House-тен пәтерлер, серіктестер тауарларына және басқа да бағалы сыйлықтарға акциялар мен ұтыс ойындарын жариялады. Жеңіске жету үшін Telegram ботында 100 мың сумнан басталатын сатып алу түбіртектерін тіркеу керек.

Компания жыл соңына дейін тағы бір Magnum дүкенін – Ташкенттің Сіргелі ауданында ашуды жоспарлап отыр. 2022 жылы тағы екі гипермаркет пен бірнеше супермаркет ашу жоспарлауда.

Magnum Cash & Carry – Орталық Азиядағы жетекші бөлшек және бөлшек сауда желісі, Қазақстандағы ең ірі он жеке компанияның бірі. Компанияның меншігінде Қазақстанның 12 қаласында әртүрлі форматтағы 176 сауда орталығы (гипермаркеттер, супермаркеттер және шағын форматтағы дүкендер) бар. Magnum Cash & Carry бөлшек және бөлшек сауда желісін сатып алушылардың жалпы саны тәулігіне 350 мыңнан асады, 1 миллион тұтынушы Magnum клубының мүшесі, 4 миллион адам Magnum-нан тұрақты зат сатып алады. Қызметкерлердің саны 12 мыңнан асады.