Қазақстандық Сбербанктің директорлар кеңесінің төрағасы Светлана Сагайдак болды. Бұл туралы банктің баспасөз қызметі хабарлады.

Бұған дейін аталған қызметте Сергей Горьков болған. С.Сагайдак 2016 жылдың сәуір айынан бері еншілес банктің басқарма мүшесі және "Сбербанк" көпшілік акционерлік қоғамы басқарма төрағасының орынбасары.

Айта кетейік, Ұлттық банк мәліметі бойынша Сбербанктің қазақстандық еншілесі 2015 жылғы есепке сәйкес, актив көлемі бойынша 35 банктің ішінде 4 орынға ие.