Қазақстан. 28 маусым. 7kun.kz – Ресейлік компаниялар Қазақстанға белсенді түрде көшуде. Елде қазірдің өзінде Ресейдің қатысуымен 13 мыңнан астам кәсіпорын тіркелген, деп хабарлайды Finprom.

Украинадағы геосаяси жағдай басталғаннан бері Қазақстан санкциялық қысымнан қашқан ресейлік компаниялар үшін магнитке айналды. 2022 жылдың мамырының соңына қарай Қазақстанда жұмыс істеп тұрған шетелдік кәсіпорындардың саны 13%-ға артып, 25 мыңға жетті.

Бизнес-иммигранттар ағыны 2022 жылдың күрт көбейіп, бұл сектордағы өсім 3,3%-ды құрады. Сәуір-мамыр айларында шетелдік компаниялардың саны 4%-ға өсті. Бұл соңғы жылдардағы ең жоғары көрсеткіштер. 2021 жылы орташа бір айлық өсу қарқыны небәрі 1%-ды құраған еді.

Мамырдың соңына қарай тіркелген заңды тұлғалар мен шетелдіктердің қатысуымен филиалдар саны 40 200 бірлікке жетті. 2022 жылғы қаңтардан мамырға дейін көрсеткіш 2400 компанияға артты.

Негізгі ағын Ресейден келген ұйымдар: плюс 1600 компания. Мамырда олардың саны 13 мыңға жетті. Үздік үштікке Өзбекстан (плюс 205 ұйым) мен Беларусь (плюс 120 ұйым) кірді.

Ресей мен Беларусь компанияларының Қазақстанға ағыны өз елдеріне салынған санкциялармен байланысты. Баслымның жазуынша, Алдағы жағдайдың белгісіздігін ескере отырып, бұл тенденция әлі жалғасады деп болжауға болады.