Қазақстанның ұлттық экономика министрі Әлібек Қуантыров тәуелсіздік алғалы шетелге 100 млрд $ ақша заңсыз шығарылғанын мәлімдеді, деп хабарлайды 7kun.kz.

Қазір елімізде шетелге шыққан капиталды қайтару туралы комиссия құрылып, жұмыс істеп жатыр. Әділет министрі Қанат Мусиннің айтуынша, қаржыны елге қайтарудың түрлі тетіктері қарастырылуда.

«Қазір шетел құзыретіндегі капиталды Қазақстанға қайтарудың барлық мүмкіндіктері мен тәсілдерін қарастырып, дайындалуда. Өте күрделі мәселе, оны бірден оңай шеше салуға болады деп айта алмаймын. Алайда қолдан келгеннің бәрі жасалып жатыр,» - дейді Мусин.