Алматы. 22 мамыр. 7kun.kz – Қазақстанның халықаралық резервтері құрылымында алтынның қоры 55,6%-ға жетті.

Дүниежүзілік алтын кеңесінің (WGC) деректері бойынша, қымбат металдар көлемі 2019 жылдың 1 мамырында 361,7 тоннаны құрады. Жыл басынан бері бұл көлем 345 тоннадан 4,8% -ға өсті. Осылайша, қазір Қазақстанның алтын қоры елдің халықаралық резервтерінде 55,6%-ға жетеді.

Қазіргі уақытта қымбат металл көлемі бойынша Қазақстан бұрынғысынша 14-ші орында тұр.

Ал, алтын қоры бойынша көшбасшылардың үштігінде АҚШ – 8,1 мың тонна, Германия – 3,3 мың тонна және Италия – 2,4 мың тонна бар.

Ресей тізімде бесінші орынға (2,1 мың тонна), ал Қытай алтыншы орынға (1,9 мың тонна) ие болды.