Алматы. 17 қыркүйек. 7kun.kz – Қазақстанның Еуразиялық экономикалық (ЕАЭО) елдермен өзара сауда көлемі 2018 жылдың қаңтар-шілдесінде ақшалай мәнде 10 783,5 млн долларды құрады. Бұл өткен жылдың сәйкес кезеңімен салыстырғанда 10%-ға көп, деп хабарлайды ҚР ҰЭМ Статистика комитеті.

Аталмыш кезеңде ЕАЭО елдеріне экспорт көлемі ақшалай мәнде 3467,5 млн долларды (өткен жылға қарағанда 16,2%-ға артық), импорт 7316 млн долларды (+7,3%) құрады.

Қазақстанның ЕАЭО елдерімен тауар айналымының жалпы көлемінің 91,9%-ы - Ресейге, 4,5% - Қырғызстанға, 3,5% - Беларусьқа және 0,1% Арменияға тиесілі.