Алматы. 19 қыркүйек. 7kun.kz – Қызылорда облысының орман және жануарлар дүниесін қорғау мемлекеттік мекемесінің басшысы пара алды деп айыпталды. Бұл туралы Қазақстанның сыбайлас жемқорлыққа қарсы қызметі хабарлады.

«Қызылорда орман және жануарлар дүниесін қорғау жөніндегі мемлекеттік мекемесі» КММ басшысы Ф. Д. Смағұловқа қатысты пара алды деген күдікпен сотқа дейінгі тергеу аяқталды», - делінген хабарламада.

Ол КММ қызметкерінен оның танысын жұмысқа орналастырғаны үшін пара алды деген күдікке ілінген.

«Қызылорда қаласының №2 сотының үкімімен Ф. Д. Смағұловқа мемлекеттік қызметте қызмет атқару құқығынан өмір бойына айыра отырып, 12 миллион теңге көлемінде айыппұл түріндегі жаза тағайындалды», - делінген хабарламада.